GAME OVER!

Þar sem ég á að vera að lesa undir líffærafræðipróf þá er um að gera að nota tímann og blogga bara...nenni ekki að lesa akkúrat í augnablikinu.

í stuttu máli:

-Páskafríið var æði, mikið borðað, lítið lært, haft það gott í Norge, fór á nágrannaslag hjá fótboltaliðum Osló, verslaði pínu, hitti norsku vinina mína og hreyfði mig lítið sem ekkert. Þegar heim var komið frá Osló var mikið borðað, lítið lært og ennþá minna hreyft sig...úbbs.

-Seinasta skólavikan á Laugarvatni kláraðist á föstudaginn. Það sem einkenndi þá viku voru endalausar tímatökur, beinhimnubólga, hásinar ónýtar og allir vöðvar mjög aumir. Samt púlaði maður og púlaði enda er maður líka hálf ónýtur eftir þessa viku...pottþétt þess vegna sem ég er búin að vera svona ógeðslega löt að læra um helgina. En veðrið sem við fengum þessa viku var sannkallað Akureyrar veður, alveg þvílík sól og blíða. Og við náttúrulega í sundi á hverjum degi sem þýðir það að Helga Guðrún er komin með ógeðslega ljótt sundbolafar...og ekki nóg með það, heldur er ég í rauninni með 2 sundbolaför þar sem "íþróttatoppa-Sönderborg-beach volley" farið er ekki ennþá farið. Ohh ég þoli ekki svona...en maður syndir nú voða lítið í bikini, þannig að ég verð bara að láta mig hafa það! En vá hvað ég er fegin að síðasta skólavika 1. árs míns sé búin...hjúkket.

-Prófin byrja á þriðjudaginn. Líffærafræði...jesssss! Eins og mér finnst þetta nú samt skemmtilegt fag þá er maður bara svo latur að læra...hvað er málið með það? ég er orðin frekar þreytt á þessu, reyni að finna mér allt annað að gera en að læra! Eftir líffærafræðina er það svo körfubolta/handbolta munnlegt/verklegt próf, félagsfræði og saga íþrótta, frjáls íþrótta munnlegt próf og bóklegt sund próf, 1000 metra tímataka, stílsund og stuttir sprettir. Ég er búin að fullvissa mig um það að ég eigi eftir að massa öll þessi próf...sérstaklega sundið!!! Prófin eru svo búin að föstudaginn 12. maí, eftir 12 daga, takk fyrir takk. Þá geri ég eitthvað villt!

-Eftir prófin ætla ég að taka íbúðina okkar í gegn, taka til og þrífa hana hátt og lágt. Og það sem ég hlakka mest til....taka til og skipuleggja fataskápinn minn, en það er bara það skemmtilegasta sem ég geri Svo verður pakkað niður...

-Því eftir 17 daga er ég og Sandra Rut á leið til Sönderborg, Dk en þar ætlum við að mála bæinn rauðan á IHS-Elevmöde vúhú Og í þetta skiptið er það sko ekki neitt DOMS sem heldur mér frá Beach-volleyinu...

-Og fyrir þá sem ekki vita þá verð ég í borginni í sumar þar sem prinsinn heldur áfram að vinna á NFS sumar. Þann 1. júni byrja ég að vinna sem flokkstjóri hjá Vinnuskóla Reykjavíkur...þvílíkt spennandi. Ætla að finna gelgjuna í mér aftur og leika mér við hinar gelgjurnar...það getur ekki klikkað Ég verð alla vega að vinna langt frá Hagkaup á Akureyri...loksins!!!

En nú er það líffærafræðin...ég ætla að reyna að hætta í ruglinu og klára að læra þetta utan að!

Hafið það sem allra allra best

Vatnaprinsessan

2 dagar í páskafrí.

2 dagar í að ég fari í ljúfa helgarferð til Akureyrar að hitta fjölskyldu og þá aðallega tengdafjölskyldu, þar sem mín fjölskylda ætlar að stela Agli yfir páskana Þessi helgarferð á að innihalda gott IDOL kvöld þar sem rétti aðilinn vinnur, brettaferð í Hlíðarfjall, heimsóknir og eiginlega líka lærdóm (sem ég sé samt engan veginn gerast).

8 dagar þangað til ég fer til Norge að heimsækja Andra Þór, stóra brósa og hans kæró. Hlakka rosalega til...er ekki búin að sjá hann í næstum 2 ár, held ég bara.

14 dagar  og þá kem ég heim aftur frá Norge...og SHIT hvað ég þarf að læra mikið þá!

18 dagar  og þá er páskafríið búið en þá er bara ein skólavika eftir, sem inniheldur endalaust mikið af sundi, endalaust mikið að útifrjálsíþróttaæfingum þar sem hlaupatímatökur ráða ríkjum...og ég tala nú ekki um að ná þessum blessuðu stigum í hástökki, kúluvarpi, langstökki, spjótkasti og auðvitað hlaupunum. OMG! Svo er körfubolti, sem ég elska og að lokum lokatímarnir í líffærafræði og ef ég þekki DRAMAÐ rétt þá eiga þær eftir að fara úr líningunum af stressi. SLAPPA!!! *Sagt með norskum hreim* Æji þetta reddast allt saman! Eins gott að halda sér í formi í páskafríinu líkamlega og lærilega séð

25 dagar þangað til 2 vikna prófatörn byrjar!

37 dagar  og þá er ég búin í prófum! hjúkket Sem þýðir að ég verð búin með mitt fyrsta ár sem íþróttafræðinemi á Laugarvatni. 2 more to go!

Skemmtilegt að telja allt svona niður!

Mér er bara orðið illt í höfðinu af öllum þessum útreikningum.

Blessó hressó

Af hverju sér maður ekki lengur hljómsveitir með 3 bakraddasöngkonur í flottum svörtum kjólum í mismunandi sniðum, dillandi sér í takt við tónlistina með mismundandi handasveiflum á meðan þær syngja úúú og ahh???

Var nefnilega að horfa á uppáhalds myndina mína The Commitments áðan og þar var þetta sko alvöru. Ohh ég elska þessa mynd, ekki það að hún sé eitthvað ógeðslega góð en þá eru lögin bara svo rosalega skemmtileg Ég man þegar ég sá þessa mynd fyrst fyrir langa löngu og þá var það minn helsti draumur að verða bakraddasöngkona...var alltaf að bíða eftir því að stóri bróðir minn sem var alltaf sísyngjandi í alls kyns hljómsveitum, myndi bjóða mér og vinkonum mínum að vera bakraddasöngkonur. En það bara gerðist aldrei Buhu

En af hverju sér maður ekki lengur hljómsveitir með bakraddasöngkonur??? Er einhver sem getur svarað því fyrir mig?

Ég væri sko alveg til í það að vera bakraddasöngkona, ég held ég gæti það sko alveg

Ég bíð bara eftir tilboðum!

Vh,
Vatnaprinsessan hún Helga Guðrún

NFS árshátíð á laugardaginn...

Enginn kjóll...allir kjólarnir mínir á Akureyri! Til hamingju Helga Guðrún!

Engin greiðsla...ég á klippingu næsta föstudag og hárið er of úfið!

Aftur til hamingju Helga Guðrún!

Æji...ég mála mig bara fínt og mæti á sundbolnum með fínu Speedo sundhettuna mína!!!!

Vatnaprinsessan -sem er sko ekki prinsessa fyrir fimm aura!!!

Vá hvað ég get bloggað um margt núna...

en ég bara nenni því ekki...

Óheppin...þið missið af miklu

Eitt að lokum...

Akureyri BEST Í HEIMI...

og eitt enn í viðbót...

Takk sæti prins fyrir allar flottu gjafirnar sem þú gafst mér frá úglöndum...vúhú ég heppin

Blessó

Hann á afmæli í dag,

hann á afmæli í dag,

hann á afmæli hann pabbi minn

hann á afmæli í dag!

Til hamingju með afmælið elsku besti pabbi minn. Verst að ég sé ekki heima til þess að smella á þig afmæliskossi en það bíður bara þangað til næsta sunnudag

Afmæliskveðjur, kossar og knús

þín æðislega og langbesta elsta dóttir í öllum heiminum

Helga Guðrún

Heiða Begga sæta sys klukkaði mig víst...ohh hvað er málið með það!! En hérna kemur það samt...vildi ekki svíkjast undan. Og ég mæli með því að allt svona klukkdót verði lagt niður...þetta er svo yfirmáta hallærislegt!

Fjögur störf sem ég hef unnið um ævina :
1. Passa öll börn í fjölskyldunni minni
2. Unglingavinnan
3. Þrjú ár í Hagkaup
4. Og fjögur ár í viðbót í Hagkaup

Fjórar bíómyndir sem ég gæti horft á aftur og aftur :
1. Grease
2. Dirty Dancing
3. Notting Hill
4. Save the last dance

Fjórir staðir sem ég hef búið á og bý á :
1. Akureyri
2. Danmörk (Århus og Sönderborg)
3. Vistin á Laugarvatni
4. Breiðholtið

Fjórir sjónvarpsþættir sem mér líkar :
1. Friends
2. Scrubs
3. Desperate Housewifes
4. Lost

Fjórar síður sem ég skoða daglega fyrir utan blogg :
1. www.khi.is
2. www.mbl.is
3. www.lyrics.com
4. www.ihs.dk

Fjórir staðir sem ég hef heimsótt í fríum :
1. Spánn
2. Portúgal
3. Frakkland
4. Holland

Fernt matarkyns sem ég held uppá :
1. Mömmu kjúklingur
2. Mömmu og pabba Egils færeyskur kjúklingur
3. Kjúklingabringur a la. moi, Hrefnus og Brynjus
4. Heimabökuð pizza og frönsk súkkulaðikaka að hætti Egils

Fjögur lög sem ég held uppá:
1. Fix you-Coldplay
2. Stay-Saybia
3. Elskovspony-Johnny Deluxe
4. Til hamingju Ísland-Silvía Nótt

 Fjórir staðir sem ég vildi heldur vera á núna :
1. Á spáni með Agli (en neinei hann fer án mín um næstu helgi = bitur.is)
2. Í Frakklandi að bretta niður Alpana (og þar var ég fyrir 1 ári síðan)
3. Spila Beach Volley í Sönderborg

4. Útskriftarferð nr. 2 með bara snillingum eða að versla með mömmu og Hædí sys einhvers staðar á ódýrum stað. Ég bara get ekki valið á milli.

Átta bloggarar sem ég klukka:
1. Prinsinn
2. Jón Heiðar-sæti brósi sem þykist vera hættur að blogga
3. Sandra Rut aka. Naglinn

4. Margrét Elísa aka. Jaxlinn...haha, þarna hefndi ég mín sko

Ætla sko ekki að klukka 4 í viðbót þar sem ég er bara einfaldlega ekki svo vond manneskja!

Peace out!!

Ég held að ég kunni ekki að blogga lengur. En ég ætla að nota tækifærið og skrifa nokkur orð þar sem mér leiðist alveg ógeðslega mikið þetta ágæta laugardagskvöld. Er hérna í íbúðinni okkar Egils uppí Breiðholti að láta mér leiðast meðan Egill vinnur á Óliver. Ógó gaman. Hefði alveg getað kíkt í innflutningspartý hjá henni Kristínu en ég bara nennti engan veginn út í kvöld...sorry Kristín en ég hefði nú betur átt að fara, þar sem það er bara ekkert að gerast hérna.

en nóg af sjálfsvorkunn... Voða lítið að frétta af Laugarvatnsprinsessunni. Er bara á fullu í skólanum sem einkennist af ógeðslega skemmtilegum handboltatímum (sem eru bráðum búnir), frjálsum íþróttum, sundi (boring!!!) og bráðum körfuboltatímum. Svo er það líffærafræðin (ég elska latínu...án gríns) og félagsfræði og saga íþrótta. Og fyrir utan þessa tíma býr maður á Laugarvatni þar sem fátt annað er hægt að gera en að fara út í íþróttahús og sprikla enn meira.  Og svo náttúrulega missum við Hrefnus okkur stöku sinnum í namminu góða og tv-inu. Svo er bara beðið eftir helgunum til að fara í borgina, leika við kæró, djamma með vinum og hafa það huggó Já þetta er líf mitt í stórum dráttum

Þessi helgi er búin að vera bara mjög fín. er búin að læra pínu (oj, hvað ég er dugleg), fara á enn eitt hallardjamm með Naglanum (ég á næstum því heima þar um helgar)  á meðan Egill vann sig sveittan á Óliver. Á meðan ég var að gera mig til fyrir djammið var ég með Silvíu Nótt lagið á repeat þar sem markmiðið var að læra textann utan af, þar sem ég þoli ekki að kunna ekki lög. Jájá kannski er ég algjört nörd en þar sem þetta ágæta lag var spilað svona 2 sinnum á klst. allt djammið, þá var það sko vel þess virði og var ég án efa ógesslega töff!!! Hí á hina sem kunnu ekki lagið!!! En  djammið var auðvitað argasta snilld, alltaf stuð á Hressó með Naglanum og endalaust af hennar Seyðfirðingavinum! Svo hitti ég gamla MA-linga sem er auðvitað alltaf gaman að djamma með. Svo í enda djammsins var skundað upp á Óliver (af bráðri nauðsyn, ekki minn staður, ég er bara einfaldlega ekki snobb eða Silvíu Nótt eftirherma, þótt ég kunni lagið hennar) þar sem prinsinn beið á kagganum okkar (sem heitir Brummi) með alveg dýrindis Ólivers-samloku sem ég mæli sko eindregið með. Gott djamm

Ég er hins vegar búin að vera í rosalega letikasti í allan dag og er sko ennþá í því. Nenni bara einfaldlega ekki neinu, kannski þess vegna sem mér leiðist svona.

Um næstu helgi fer prinsinn svo til Spánar og til Danmerkur í leiðinni, og mér er náttúrulega ekki boðið með. Eitthvað var verið að skjóta á mig að ég væri alltaf ein í útlöndum... (sælla minninga, Frakkland í 2. bekk, Þýskaland í 3.bekk og Spánn í útskriftarferð sumarið fyrir 4. bekk og svo IHS-skíðaferð til Frakklands fyrir akkúrat ári síðan)... þannig að mér var ekki boðið með!!! Hallóoooo! en mér er alveg sama...eða þannig sko. ég er að fara í skíðaferð til verdens bedste sted, min hjemmeby Akureyri í 10 daga vúhú Byrjar meira að segja á Siglufirði þar sem við bekkjarsysturnar (aka. Drama Queens) ætlum að gera okkur lítið fyrir og rústa einu léttu öldungablaksmóti á Sigló. ojj, hvað ég hlakka til. vona samt að það verði góður brettasnjór uppí fjalli fyrir þessa 5 skíðadaga

Jebbs...svona er þetta! Pottþétt mitt fyrsta langa blogg á þessu ári! úffpúff. Og ég er farin að hallast á það að teljarinn hérna í hægra horninu sé bara einfaldlega vitlaus...160 heimsóknir í dag. Skil þetta ekki alveg og svo nennir enginn að commenta...hvað er málið með það!! Þið eruð nú meiri kjánarnir! Skrifiði nú! Annars bara skrifa ég aldrei aftur!! (þá skrifar pottþétt enginn, hehe)

En alla vega...ég ætla að fara að gera eitthvað rosalega villt veit ekki alveg hvað en ég finn upp á einhverju

Hafið það gott elskurnar, hvar sem þið eruð og hver sem þið eruð!

Vh,

Vatnaprinsessan

Ps. Drullist þið svo að kvitta eða skrifa í gestabókina, annars leggst ég gólfið og fer í frekjukastið ógurlega!!!

Pps: IHS-píur...við verðum að fara að hafa IHS-hitting bráðum. ég er komin með pínu leið á að vera alltaf ein í höllinni með Naglanum elska þig samt Naglinn minn Einn, tveir og finna dag...ég er alltaf laus (eða svona næstum því)

76 heimsóknir á þetta blogg mitt í dag, og ég skrifa aldrei inná það!!!

Hver eruð þið eiginlega??? Ég bara skil ekkert í þessu...

Hvernig væri að þið mynduð kvitta fyrir ykkur, kjánarnir ykkar.

Kærlig hilsen,
Vatnaprinsessan

Mér finnst svo leiðinlegt að blogga...held ég ætti bara að hætta þessari vitleysu, eða alla vega taka smá pásu!

En alla vega prófin í desember gengu vonum framar, ég held bara að ég sé á réttri braut, skólinn byrjaði í dag sem er fint nok, prinsinn minn kominn heim og er að vinna á NFS og á café Oliver...og rosalegt farvel partý hjá Birnu á Akranesi um helgina. Stelpan bara að flytja til Århus...þvílík hermikráka

Fór á djammið í borginni um seinustu helgi...og hvað er málið með Silvíu Nótt hermikrákurnar???? er ég að missa af einhverju?? Ég hef bara aldrei séð annað eins...skiluru!!

En nú er sko meira en nóg komið í bili!

Vatnaprinsessan kveður

Jábbs...ég er að hugsa um að hvíla aðeins bloggið í bili.
Nenni ekki að skrifa í prófunum enda voða lítið að skrifa um!

Hafið það sem allra best elskurnar

Próf-jólakveðjur,
Helga Guðrún
Vatnaprinsessa með meiru

já, er að reyna að finna mér eitthvað annað að gera, en að læra! Og þá er tilvalið að blogga aðeins!

Ég er að missa mig í því að reyna að lesa lífeðlisfræði, veit ekkert hvort að ég skil þetta eða ekki. Stundum skil ég allt og stundum fatta ég bara ekki neitt og bara gefst upp. En ég er að reyna að átta mig á þessu öllu saman.

Helgin var bara alveg ágæt. Eyddi henni á mínu öðru heimili, hjá Simma og Ellu. Reyndi að læra og læra og læra, tókst misvel. Á föstudaginn kíkti ég í smá afmælisveislu hjá Önnu Sif, sem á afmæli á morgun Til hammó með ammó, á morgun Anna Sif mín Þúsund kossar og knús, bara til þín. Fékk alveg rosalega góða súkkulaðiköku og skinkuhorn, namminamm. Algjör snilld

Á laugardaginn lærði ég mismikið. Kíkti svo í smá hallardjamm til Söndru Rutar, ohh hvað það var nú alveg ótrúlega gaman. Og á sunnudaginn lærði ég aðeins meira og hafði það gott. Voða lítið annað að gera en að læra þessa dagana. Þannig að þetta er alveg ótrúlega leiðinlegt blogg.

Það eina sem hefur lífgað upp á þennan dag í dag, var þetta skemmtilega próf sem ég tók á netinu: http://www.crush007.com/love.cgi?id=1133196798cgk

Alveg ótrúlegt hvað rættist úr þessu testi...hef bara aldrei séð annað eins. Endilega prufið þetta...en ATH. þetta er ekki fyrir 30+ Þannig er það nú bara...

En ætla að sökkva mér í lífó áður en ég fer með Hrefnus að styrketræne

Hafið það sem allra, allra best

Vatnaprinsessan!!  

Já...rakst á þessa ágætu mynd af honum litla bróður mínum

Jájá, hann var valinn flottasti strákurinn í 9.bekk. Hvað getur maður annað gert en að fyllast stolti! hehe

Annars er þetta aðallega gert til að koma honum í bobba! Honum fannst þetta víst mega asnalegt. Segir hann, að minnsta kosti...trúi því takmarkað.

Já ég er á Akureyrinni, búin að vera hér síðan á fimmtudag og fer aftur á Vatnið á morgun. Vá hvað þetta er búin að vera lúxus helgi...læra, læra og aðeins meira að læra...djamm á laugardag tileinkað Hrefnus, sem átti afmæli á föstudaginn (til hamingju sykurpúðinn minn) og þar tókum við skvísurnar (Eva, Hrefna og ég) alveg þvílíkt djamm ojj hvað það var gaman

En ætla aðeins að læra meira

Vatnaprinsessan kveður

Já ég var klukkuð af henni Birnu...vá hvað ég er glöð. Takk æðislega Birna. En hér kemur það:

 

 

 

núverandi tími: 15:00

 

 

núverandi föt: Casall svartar buxur, bleikur Puma bolur og blár Nike jakki

 

 

núverandi skap: Alveg bara ágætt J

 

 

núverandi hár: Úff...hárið að verða dökkt aftur, nenni ekki að eyða peningum og tíma í það að fara í litun. Og bara krullað eins og venjulega...þó svolítið úfið, eftir beauty blundinn í hádeginu (með blautt hár...úbbs)

 

 

núverandi pirringur: Að geta ekki séð flottu jólaljósin sem eru komin upp í Århus og helvítis sportlífeðlisfræði. Og kannski líka pínu þetta klukkdót...BIRNA!!!!!

núverandi hlutur sem þú ættir að vera að gera: Í rauninni ekki neitt. Er að vinna verkefni með Hrefnus og Brynjus um málfar í skíðum...er að bíða eftir að orðalistinn er tilbúinn svo ég geti vippað honum inní Powerpoint.

núverandi áhyggja: Prófin í desember

núverandi löngun: Að prófin séu búin, Egill, prinsinn minn sé kominn heim í jólafrí, og við séum komin heim í faðm fjölskyldunnar, í jólaljósin og með smákökur og mjólk.

núverandi ósk: Að ég eigi eftir að brillera í prófunum

núverandi farði: Enginn

núverandi eftirsjá: Að hafa borðað yfir mig af karmellum í hádeginu

 núverandi vonbrigði: Engin, held ég bara.

 núverandi skemmtun: allar íþróttirnar sem ég er í allan daginn, alla daga hér á Vatninu J sérstaklega blakið J

 núverandi ást: Án efa Egill Heinesen, danaprinsinn minn. Búinn að vera það í sex og hálft ár, takk fyrir takk J  

 núverandi staður: S1. Kennslustofa nr. 1 á Laugarvatni

 núverandi bók: Physiology of Sport and Exercise

núverandi bíómynd: Hef bara ekki tíma til að horfa á sjónvarpið, en Dirty Dancing alltaf klassísk

 núverandi íþrótt: Ohh…blak og strandblak. Skemmtilegast í heimi, en voða lítið af strandblaki spilað hér á Vatninu.

núverandi lag á heilanum: Don’t you want me baby

núverandi blótsyrði: Eiginlega ekkert...segi voða mikið, ”ohh kjáninn þinn”. Það er víst bannað að blóta þannig að ég kalla bara alla kjána í staðinn.  

núverandi msn manneskjur: Heill aragrúi af fólki J Allir þvílíkir sykurpúðar.

núverandi desktop mynd: Ógeðslega sæt mynd sem tekin var af okkur IHS-stelpunum inná herberginu okkar Birnu, þar sem við vorum að djamma og djúsa í síðasta skipti með Önnu Sif og Kristrúnu Tinnu.

 núverandi áætlanir fyrir kvöldið: Blakæfing, hlaupa og lyfta. Klára verkefni og lesa í lífeðlisfræði fyrir tímann á morgun. Og sofa snemma.

 núverandi manneskja sem ég er að forðast: Æji engin sérstök...

núverandi dót á veggnum: (í herberginu okkar Hrefnu) Fullt af myndum af 4A-skvísuhópnum mínum, mér, Hrefnu og Evu, Agli prins og sætu fjölskyldunni minni J 

 Jæja...þá er þetta búið. Vonandi seinasta klukkið sem ég þarf að svara. Ef þið tókuð ekki eftir því þá voru lykilorðin í þessu klukki: Egill sæti prins, próf og lífeðlisfræði.

Vildi óska þess að ég gæti hefnt mín á Birnu og klukka hana aftur, en ég get það víst ekki. Ég er að hugsa um að klukka bara ekki neinn...vera smá góð svona fyrir jólin J

 

 

Jólakveðjur,

Vatnaprinsessan